Patay ang 19-anyos nga soltero matapos makabunggo kag magdasok sa idalum sang Prime Mover truck ang iya ginamaneho nga motorsiklo sa national highway nga sakop sang Hacienda Bariw, Barangay Sta. Teresa sa Manapla.
Nag-gwa sa imbestigasyon sang PNP nga may kadasigon ang pagpadalagan sang motorsiklo sang rider nga si alyas “Sam”, residente sang Brgy. Purisima sa Manapla.
Nakaangkon sang mga pilas sa ulo kag lawas ang rider kag gindeklarar nga dead on arrival sa ospital.
Padulong Manapla kag nagliko pakadto sa Lopez Transloading Compound ang truck nga ginamaneho ni alyas “Rey”, sang magbunggo ang motor nga magapadulong kuntani pa-Cadiz.