Solar farm ginaplano itukod sa malapit 75 ektarya nga duta sang Bacolod LGU sa Barangay Granada.
Magluwas sa ginaplano nga 150MW solar power plant sa Barangay Felisa, may separado nga investor ang luyag magpatukod sang separado nga solar farm sa Barangay Granada sa Bacolod City.
Ginsiling ni Mayor Albee Benitez nga tuyo sang investor nga arkilahan ang porsyon sang malapit 75 ektarya nga nabakal nga duta sang siudad.
Target sang proponent nga maka-generate sang 1MW sa kada duha ka ektarya nga solar farm.
Nagapati ang alkalde nga mangin dako ini nga tikang agud mapanubo ang presyo sang bili sang kuryente.
Damlag pa, nakig sugilanon ang alkalde sa pamunuan sang Department of Energy agud mapatuman ang price cap sa tunga sang nagasaka nga bili sang kuryente sa pihak sang epekto sang El Nino phenomenon.
Gindugang niya nga dapat ma-regulate ang power rate increases ilabi na sa mga lugar nga napaidalom sa state of calamity.
Ang siudad sang Kabankalan, San Carlos pati na ang banwa sang Valladolid kag San Enrique ang napaidalom sa state of calamity tuga sang El Nino Phenomenon.