Record-breaking mass wedding ginapasalig sang siudad nga madayon sini nga Marso. Nagpangayo sila sang pasaylo sa delay.
Naglab-ot na sa 2,053 ka mga pares ang nagpa-rehistro para sa natalana nga record-breaking mass wedding sa Bacolod City.
Ugaling tubtob karon wala pa sang natalana nga adlaw para sa seremonya samtang ginahulat pa sang local goverment unit ang kumpirmasyon ni Presidente Ferdinand Marcos, Jr. nga amo ang mangin major sponsor sa kasal.
Suno kay Mayor Albee Benitez, si First Lady Liza Marcos ang una na nga nagkumpirma nga magatambong sa kahiwatan pero gina hulat pa ang petsa sang iya nga availability.
Ginpasalig naman ni Secretary to the Mayor Atty. Karol Joseph Chiu nga matigayon ang kasal karon nga bulan sang Marso.
Makapila man ka beses nga naisol ang schedule gani nagapangayo sang pasaylo ang siudad ilabi na sa mga nakahimu na sang pagpanghanda para sa okasyon. Kadam-an sa ila nagbutyag na sang reklamo sa social media.