SP maga hatag authority kay Mayor Albee nga mag-negotiate sa iban nga bangko para sa P5B loan agreement
Konseho sang siudad magahatag sang authority sa alkalde nga mag-negotiate sa iban pa nga banko angut sa P5B loan agreement.
Sini nga semana natalana nga tun-an sang Committee on Finance sang konseho ang iga-submit nga offer sang Landbank of the Philippines may kaangtanan sa P5B loan agreement.
Ang konseho ang nahauna na nga naghatag kay Mayor Albee Benitez sang authority to negotiate and enter into an agreement for financing sa Development Bank of the Philippines nga nauna man nga nag-offer sang P5B loan agreement.
Suno kay Councilor Thaddy Sayson, plano nila nga hatagan sang otoridad ang alkalde para mag-negotiate sa iban pa nga banko angut sa loan agreement.
Ini agud makapili man ang siudad sang mas maayo nga offer bahin sa loan.
Tuyo sang siudad nga magamit ang pondo para sa land banking, pagbakal sang duta para sa pampubliko nga sementeryo kag expansion sang sanitary landfill, pagpatukod sang housing project, port development, computerization, waterwork system, pagtukod sang mga infrastructure project lakip na ang ginaplano nga underground cabling system sa dalan Lacson.