Nagapabilin sa karon nga naga pungko sa kapitolyo bilang gobernador sang Negros Oriental si Governor Henry Pryde Teves ini bisan pa gin proklamar na sang Lunes si Governor Roel Degamo nga amo ang matuod nga nag daog nga gobernador paagi sa pag disqualify sang nuissance candidate kag pag isip sang boto sini sa kay Degamo.
Kahapon nagpadulong ang DILG 7 sa kay Teves.
Pero suno kay Teves, gin estorya lang siya sang DILG angut sa gin copy furnish nga pag annul sang iya proclamation. Ginsiling ni Teves nga indi ini mag panaog tubtob may order nga i uninstall siya sa iya nga pag asume sa office ukon ma nullify ang iya assumption.
Kinahanglan pa sang quo warranto case suno kay Teves para mahimo ini. Si Governor Degamo ang nag pa gwa man sang statement nga tubtob wala sang order sa superme court nga magpa untat sang iya proclamation, iya gin pahayag nga siya amo ang lehitimo nga gobernador karon sang Negros Oriental.
Si Degamo ang nag pa gwa naman sang order nga siya amo na ang nag assume nga gobernador kag tanan nga mga transaksyon sa kapitolyo ang maagi na sa iya.
Iya man gin order ang pag balik sang mga na displace nga mga empleyado sang kapitolyo pati na mga department heads.
Yara pa sa karon sa Manila si Degamo samtang padayon naman nga naga pungko sa kapitolyo si Teves.