Sa pagbisita sang pila ka mga opisyales kag tiglawas sang Tahara City sa pungsod Japan kay Mayor Albee Benitez na-istoryahan ang pagpabaskog sang economic kag development initiatives pinaagi sa sisterhood ties.
Ginsiling ni Mayor Benitez nga interesado ang Tahara City nga magbulig sa Bacolod pinaagi sa paghatag sang job opportunities sa caregiving, farming kag iban pa nga human resource management engagement.
Suno kay Local Economic Development and Investment Promotions Officer Mae Llamas handa man ang Tahara City nga mag-collaborate sa siudad para sa pagtukod sang water purification project sa mga komunidad nga ginakulang sang mainom nga supply sang tubig kag ang mapasanyug ang bioethanol production.
Kabahin sa mga pungsod nga may yara na sang sisterhood ties ang Bacolod amo ang Estados Unidos, Canada, Taiwan kag South Korea.