Ang mapalambo pa ang nagabaskog nga mga micro, small and medium enterprise sa Bacolod pati na isla sang Negros ang nagapabilin nga prayoridad ang katapo sang Metro Bacolod Chamber of Commerce and Industry uko MBCCI.
Sa ginpatigayon nga Siquijor and Negros Island Business Week – Economic Drivers Forum ginpabutyag man ni Governor Eugenio Jose Lacson ang paghatag atensyon sa agrikultura nga karon padayon nga nagapangatubang sang pagpanghangkat pareho na lang sang climate change.
Ginpahayag ni MBCCI President Atty. Juliana Carbon nga kabahin sa ila tinutuyo ang mapansanyog pa ang turismo sa probinsya sang Siquijor para mangin isa ka tourism hub sa Negros Island Region.
Ginalauman nila nga paagi sa mga polisiya upod sa provincial and local government unit mapasangkad ang mga programa sa food security, power and water security, digital transformation pati na peace and order.
Ang Business Week ang nalakip sa pagpanghanda sang katapo sang business sector para sa natalana nga Visayas Area Business Conference sa Bacolod sa 2026.
Kaupod sa mga nagtabong sa forum ang pamunuan sang Negros Power, Sugar Regulatory Administrator, Department of Science and Technology – NIR, tiglawas sang provincial kag local economic development, investment and promotion offices kag katapo sang business sector.