Shadow

Sipalay City bukas na para sa turismo

Siudad sang Sipalay ang bukas na sa karon sa mga turista.

Sa gin pa gwa nga executive order, ginpalawig ni Mayor Gina Lizares ang modified general community quarantine sa siudad tubtob Mayo 31, nga naga lakip sang ammended guidelines.

Pwede na ang leisure travel sa siudad sang mga local residents kag foreign tourists gikan sa Negros Occidental kag Bacolod City.

Dapat sila ang maga comply sang mga entry requirements kasubong sang booking confirmation kag online registration.

Ang pagbiyahe sang mga non-resident tourist paagi sa public utility vehicles ang indi pagtugutan.

Indi man pagtugutan ang pagsulod sang mga guests para sa leisure travel nga naga edad 65 anyos pasaka.

Staycation lamang ang tugutan.

Ang island hopping pwede pero para lamang sa naka check-in nga mga turista.

Diving, snorkelling kag iban pa nga water sports ang ginatugutan basta nagasunod sa sanitary guidelines.

Ang mga non resident private property owners nga magsulod sa sipalay tugutan man pero sarang maka tenir sa 24 oras lamang kag dapat mag coordinate sa barangay kun diin napahamtang ang ila propiedad.

Ang pagbisita sa mga himata kag abyan sa siudad wala gina tugutan.

Sa idalom sang bag-o nga EO nga mangin epektibo sa sabado, gina tugutan ang mass gathering sang mga pumuluyo tubtob sa 30 por siento sang kapasidad sang venue.

Leave a Reply

Your email address will not be published. Required fields are marked *

Secured By miniOrangeSecured By miniOrange