Active cases sang Covid-19 sa kapulisan sa Bacolod kag Negros Occidental padayon ang pag nubo.
Nadugangan pa ang kapulisan sa Bacolod City Police Office nga nag ayo na sa Covid-19 kag karon naka gwa na sa quarantine facility.
Siyam ka dugang nga mga pulis sa bcpo ang nag negatibo na sa virus.
Gani gikan sa 90 sang nag ligad nga semana, 35 na lang karon ang active cases sang Covid-19 sa kapulisan sa Bacolod.
Kalabanan sa ila ang naka balik naman sa ila nga trabaho suno kay BCPO spokesperson Lieutenant Libert Indiape.
Samtang, ang active cases sang Covid-19 sa Negros Occidental Police Provincial Office ang nag panaog naman sa 26.
Wala naman sang dugang pa nga bag-o nga kaso ang NOCPPO kag naga pabilin sa 110 ang ila total cases.