Masobra sa isa ka libo nga sako sang abono ang karon nga ginapangusisa matapos nga madula sa siudad sang Himamaylan.
Nalugaw-an ang pila ka mga mangunguma nga manugkuha kuntani sang libre nga abono sa city hall sang siudad sang Himamaylan.
Natukiban sang Martes nga wala na ang mga sinako sako nga abono gikan sa Department of Agriculture nga gintago sa isa ka compound nga malapit lang sa city hall.
Ginapa-usisa na karon sang siudad sa katapo sang Himamaylan City PNP ang insidente.
As of press time, indi pa mapat-ud kun diin nagkadto ang mga abono kag kun sin-o ang manabat sa hinali nga pagkadula sang supply.