Shadow

Munisipyo sang DSB sirado sa Lunes kag Martes

Sirado ang munisipyo sang Don Salvador Benedicto sa Lunes kag Martes.

Sa memorandum nga ginpapanaog ni Mayor Marxlen Dela Cruz, patigayunon ang disinfection sa amo nga mga adlaw. Naka saad sa memorandum nga bangud sang nagasaka nga Covid-19 cases sa banwa, ang mga empleyado sang banwa, magluwas sa mga yadtong yara sa essential service kasubong ang yara sa health, peace and order kag disaster risk reduction management ang gina abisuhan nga indi mag report sa July 5 kag 6.

Ang temporaryo nga pagsira sang munisipyo ang maga hatag sang ligwa sa otoridad nga mag patuman sang decontamination sa mga local offices.

Suno kay Mayor Dela Cruz, wala sang may nagpositibo nga empleyado kun may mga nangin close contact lang sang nag positive pero ini sila ang nag negative naman sa virus.

Maga balik bukas ang munisipyo sa July 7.

“We might as well decontaminate the whole munisipyo, para kampante kami tanan. But there will be work. May trabaho kami gihapon sa field. Iban may travel man. So definetly wala lang transaksyon sa munisipyo until Tuesday. Ma open kami liwat by Wednesday,” suno kay Dela Cruz.

Leave a Reply

Your email address will not be published. Required fields are marked *

Secured By miniOrangeSecured By miniOrange