Diocese of Bacolod naghinyo sa siudad nga matugutan ang pag-operate sang mga kiosko sa kilid sang Bacolod Public Plaza.
Sang nagligad lang nga tuig, nakasugtan sang Bacolod LGU kag pamunuan sang Diocese of Bacolod ang pagpaiway sang pag-operate sang mga kiosko sa kilid sang Bacolod Public Plaza.
Pero kahapon liwat nga naghinyo sang pahanugot ang simbahan sa konseho nga matigayon ang Summer Trade Fair sa kilid sang dalan Rizal kag Gatuslao.
Ginsiling ni City Administrator Lucille Gelvolea, natalana nga suguran sang contractor sang TIEZA ang pag-rehabilitate sang water fountain kag portion sang plaza.
Gani kinahanglan anay nga matun-an ini antes pa man liwat nga mag-operate ang mga kiosko.
Si Mayor Albee Benitez ang nag-negotiate sa simbahan agud mapaiway ang pagtukod sang mga kiosko sa Bacolod Public Plaza kag para matigayon ang rehabilitation project sa portion sang propiedad nga napanag-iyahan sang simbahan sa plaza.