Patay ang isa ka 31-anyos nga motorcycle rider, matapos nga makabunggo sa nasugata nga tricycle sa National Highway sang Purok Lopue’s sa Brgy. Dulao sa Bago City Martes sang gab-i.
Ang biktima ang ginkilala kay alias Kinner kag ang ang driver sang tricycle ang ginkilala sa kay alyas Joeven.
Sa imbestigasyon sang Bago City PNP, gikan sa Brgy. Dulao si Kinner samtang gikan naman sa Brgy. Abuanan padulong sa Brgy. Dulao ang tricycle kag gina-alegar nga naglapaw sa lane sang tricycle ang motor.
Gani nagbunggu-anay sila kag bangud sa mabaskog nga impact nagtabog ang mga sakay diri.
Pareho nga nakaagum sang mga pilas sila. Gilayon man nga gindala sa ospital ang duha apang gindeklarar nga dead on arrival si Kinner.
Depende na sa pamilya kun may matabo nga areglohanay suno sa PNP.