Office of the Building Official sang Silay City ang nag-issue sang notice of violation sa New Government Center sang Silay/contractor sini.
Ginsiling ni Engr Elmer Kent Torres, ang City Building Official nga sang Biyernes, Oktubre 18, ginserbe sang ila nga building inspector ang notice of violation sa contractor sang New Government Center bangud nga wala ini sang Building Permit.
Ginhatagan sila sang tatlo ka adlaw para tigayon maka submit sang mga dokumento kaangay sang building plan, nga nga lakip sang mga estimates kag building specifications, forms sang building permit nga may nagakaigo nga mga lagda kag notarized.
Kun mapaslawan sila sa pag comply sini may mga naga kaigo nga multa suno kay Torres kag liwat sila nga papanaugan sang notice.
Kun may kapaslawan pa gid iga-refer ini sa legal office.
Suno kay Torres ginbaton ang ila nga notice nga ginserbe pero wala ginlagdaan sang nagbaton sini. Agosto sini nga tuig nagsugod ang construction sa new government center.
Suno kay Mayor Joedith Gallego lipod pa ini sa iya nga ihibalo as of press time kag iya ini nga ipa-check.
“Kay wala man sang exempted sa building permit, even ang government projects indi na sila exempted, dapat makuha sila sang necessary permits sa opisina. Ara dira nakabutang nga within three days ang representative nila or owners makadto sa opisina para mag submit sang iya documents so I think Friday na gin serve, mahulat ta three days tan-awon ta kun maka submit sila ma okay naman lang na dayon kay i-process na ang ang ila permit”, suno kay Torres.