Ginaduso nga congressional inquiry sa pagpatuman sang ginakabig anomalous nga construction sang megastructure projects sang Silay City makabig politically motivated para kay Mayor Joedith Gallego.
Sa privilege speech ni Negros Occidental 3rd District Caretaker, Congressman Stephen Paduano ginduso niya sa kongreso ang pagpatigayon sang congressional inquiry may angut sa iya ginakabig anomalous nga pagpatuman sang mga proyekto paagi sa P1.3B loan agreement sa tunga sang Silay City LGU kag Land Bank of the Philippines kag Development Bank of the Phillipines.
May kaangtanan ini sa construction sang Silay Government Center,
Silay City Public Market, City College kag City Coliseum.
Nalakip sa ginakwestyon sang kongresista ang indi pagsunod sa procurement process kag ang pag-kaayo sang merkado pati na ang pag transfer sa mga vendors sa ginakabig heritage site nga wala sang approval halin sa National Historical Commission.
Para kay Silay City Mayor Joedith Gallego, politically motivated kag makabig harassment ang ginaduso nga congressional inquiry.
Ginpanginwala sang alkalde ang gina-alegar korapsyon sa nasuguran mga development projects paagi sa loan agreement.
Nakahanda ang alkalde nga sabton ang mga allegasyon sa proper forum.