Nagdangat na sa 107 ang show cause order nga na serbe sang COMELEC – Negros Occidental angut sa reklamo sang premature campaigning sang mga naga papili sa Barangay kag SK Elections.
Sa datus sang COMELEC, gikan sa 73 may 34 ka bag-o nga show cause order nga ila gin-serbe. Ini ang naga lakip sang 15 ka show cause order nga ila ginserbe sa pila ka mga naga papili sa Manapla, 16 sa EB Magalona, isa sa Sagay kag duha sa Cauayan.
Suno sa COMELEC, sa kabilugan, sa banwa sang EB Magalona sila may pinaka madamo nga show cause order nga naserbe nga nagdangat na sa 56.
Sa 56 ka show cause order sa EB Magalona, 16 ka mga kandidato ang tigayon nga naserbehan sang duha na ka lain-lain nga mga show cause order.
Sa Bacolod City may 10 ka mga show cause order ang nadagdag sa mga kandidato sa duha ka mga barangay.
Suno kay Atty Ian Lee Ananoria, magluwas sa premature campaigning may reklamo man sila nga nabaton angut sa vote buying.