Kiosko sa BCGC nakawatan, seguridad sa mga festival sites mas ginpabaskog sa bulig man sang dugang nga police patrol.
Panugod pa lang sang MassKara Festival sang isa sa mga kiosko sa kilid sang Bacolod City Government Center ang nadulaan sang cellphone sang gin-alegar ginsulod sang kawatan.
Gani mas ginhugtan pa ang seguridad sa festival site kag pagpa alerto sa katapo sang Public Order and Safety Office nga nagabantay sa palibot.
Suno kay POSO head nga si Retired Police General Primitivo Tabujara, 65 tanan ka mga security personnel ang gintalana sa BCGC lakip na sa Bacolod Public Plaza agud magbulig sa kapulisan sa pagpasiguro sang kalinong sa mga festival site.
Ang Bacolod City Police Office ang nagtalana man sang tatlo ka mga all terrain vehicles ukon ATV Patrol para mas mangin madasig ang pag responde sa mga ihitabo ilabi na ang posible pagluntad sang krimen kag kinagamo.