Nagdangat na sa 144 ang show cause order nga na serbe sang COMELEC angut sa premature campaigning nga reklamo batuk sa mga kandidato.
Suno kay Provincial Elections Supervisor, Ian Lee Ananoria, 19 ang bag-o nga nagdugang sa mga show cause order nga ila nabaton.
Sa 19, walo diri ang gin-serbe sa mga kandidato sa Murcia, duha sa Bacolod, isa sa Bago kag walo sa Binalbagan.
Samtang, sini nga nga semana magsugod sang kampanya para sa Barangay kag SK Elections.
Magasugod ini sa Oktubre 19.
Wala naman may gina lantaw pa nga mahimo maga dugang sa 51 ka mga election watchlist areas sa Negros Occidental, pero ang pagsugod sang kampanya ang maga pat-od sang sitwasyon sa sini nga piniliay.
Sa pihak nga bahin nag abot na ang mga accountable forms suno kay Ananoria para sa BSKE kag ini ang iga deliver sa mga LGU sini man nga semana.