Magluwas kay First Lady Liza Marcos, indi pa sigurado ang pagbisita ni Presidente Ferdinand Marcos, Jr. sa highlights sang MassKara Festival sa siudad sang Bacolod.
Suno kay Mayor Albee Benitez nga kun wala man lang sang security issue ilabi na sa highlights sang festival, mas maayo nga indi na lang ipatuman ang signal jamming.
Ini bangud madamo man sa mga cellphone users ang naga reklamo.
Ang alkalde ang naghinyo naman sa Presidential Security Group nga i-review ang pagpatuman sang signal jamming.
Ginalauman naman sang alkalde nga malab-ot ang mga kadalag-an sang nagligad nga MassKara Festival celebration nalakip na diri ang P5B nga projected income kag ang masobra 200,000 nga mga bisita kag tumalan-aw sang tuigan nga selebrasyon.