Nakuhaan sang mga pakete sang ginasuspetsuhan shabu ang isa ka senior high school student matapos madakpan sa ginpatigayon nga buy-bust operation sa Barangay Mambulac, Silay City sang Lunes.
Kahapon nga adlaw, na-file na sang Silay PNP ang kaso may angut sa iligal nga droga batok sa 21-anyos nga subject.
Ginsiling ni Lt. Col. Mark Anthony Darroca, hepe sang Silay Police, isa ka street-level individual ang estudyante.. buot silingon, indi maglapaw sa 50 gramos sang shabu ang iya gina-distribute.
Base sa monitoring sang kapulisan, masami man nga ginasugo ang estudyante nga mangin “runner” sang iligal nga droga sa ila barangay.
Nakuha sa estudyante ang mga pakete sang suspected shabu nga nagabalor P47,600.
Napriso karon ang estudyante sa Silay Police Station.