Gindakop sang pulis subong nga Huwebes, ang 78-anyos nga lalaki isa ka adlaw matapos siya nagpamahog sa sulod sang Negros Occidental Provincial Capitol sa Bacolod City.
Suno sa report sang Police Regional Office-Negros Island Region, ang pagdakop kay alyas “John”, residente sang Barangay 1 sa Bacolod, ang paagi sa warrant of arrest para sa kaso nga four counts sang Libel sa idalom sang Article 353 of the Revised Penal Code.
Gin-issue ang arrest warrant ni alyas “John” sang Mandaluyong City Regional Trial Court, Branch 280 nga may piyansa nga P40,000.
Sang Miyerkules, base sa impormasyon, nangakig si alyas “John” kag nagpamahog matapos mapaslawan nga makuha ang dokumento nga gusto niya bawion gikan sa Provincial Administrator’s Office.
Bangud sang pagpamahog, gin-suspend ni Negros Occidental Governor Eugenio Jose Lacson ang obra sa kapitolyo.
Ang alegasyon sang pagpamahog ang ginpanginwala sang natungdan nga persona.
[sibwp_form id=1]