Seryoso ang pagkabig sang probinsya sa pagpamahug nga ginbuy-an sang isa ka private individual nga nagpadulong sa Kapitolyo probinsyal sang Miyerkules.
Suno kay Negros Occidental Governor Eugenio Jose Lacson, indi niya luyag nga may malain nga matabo kaangay sa mga natabo sa pila ka mga eskwelahan gani pabakuron nila ang seguridad kag protocols sa Kapitolyo probinsyal.
Dugang pa sang gobernador sa karon wala pa nila gina lantaw ang pag pasaka sang reklamo batuk sa natungdan nga persona, mas gina tutukan nila ang safety sang mga empleyado.
Ang pag patuman sang mga mas istrikto nga security measures kag protocols tuyo suno kay Lacson nga malikawan nga matabo pa liwat ang kasubong nga insidente.
Lunch time sang Miyerkules sang natabo ang pag pamahug sa Kapitolyo matapos nga mangakig ang natungdan nga persona kasunod sang iya nga luyag nga pag bawi balik sang mga dokumento nga iya na submit sa Provincial Administrator’s Office.
Gin-cancel ang trabaho sang hapon matapos natabo ang amo nga pag pamahug.
[sibwp_form id=1]