Balor P200,000 nga nanari-sari nga sahi sang mga pispis ang nakumpiskar sang Criminal Investigation and Detection Group upod ang Department of Environment and Natural Resources sa entrapment operation nga ginpatigayon sa Barangay 30, Bacolod City sang Huwebes, Setyembre 3.
Arestado ang 65-anyos nga lalaki ginkilala kay alyas “Ancheto” matapos mabaklan sang P70,000 nga balor sang mga pispis.
Nakuha sa senior citizen ang isa ka P500 nga marked money, 70 ka panid sang boodle money, mga hawla kag mga pispis nalakip na ang green parrot, Philippine Serpent Eagle, Coleto, Martanico, Grass Owl kag Sagaksak.
Kaso may angot sa pagbaligya sang wildlife animals, nga isa ka pagsupak sang Republic Act 9147 okon Wildlife Resources Conservation and Protection Act ang ginpasaka Biyernes nga adlaw batok sa suspek.*
[sibwp_form id=1]