Senador Bong Go ang nagahaylo sa publiko nga kun mahimo mag gamit sang face mask kag sa wala makapa bakuna mag pa bakuna para mapangapinan ang kaugalingon kontra Covid-19.
Ang senador nga chairperson sang Senate commitee on health ang yara sa probinsya sang weekend. Sya ang dinapit nga bisita sa Pasalamat Festival sang La Carlota City kag nagtambong man sa groundbreaking ceremony sang Bago Super Health Center sa Brgy. Atipuluan sa siudad sang Bago.
Kun mahimo suno kay Go mag gamit sang face mask. Suno sa iya sa Bacolod ginpatuman ang pag gamit sang face mask sa pampubliko nga mga salakyan. Indi mahibaluan suno sa iya kun sin-o ang may Covid.
Gani mas maayo nga mag gamit sang face mask. Ang bakuna suno sa iya ang nagapabilin nga pamaagi agudto makabalik sa normal nga pangabuhi.
Samtang, naghatag man sang grocery packs, facemask kag iban pa nga bulig si Senador Go sa isa ka libo nga indigent beneficiaries sa Bago City.