Senador Juan Miguel Zubiri ang naga panawagan sa presidente nga kuntani lagdaan ukon tugutan na lamang nga mag lapse into law ang hagna nga ginpasar angut sa bag-o nga mga term of office sang mga Barangay kag SK Officials.
Sa interview sang media sa senador nga nagpadulong sa Kabankalan City, iya ginsiling nga nahuman na ang ila nga papel bilang mamalidha sa pag pasar sang laye. Gani yara na sa kay Presidente Ferdinand Marcos, Jr. ang desisyon bahin diri. Luyag ni Zubiri nga mapasar ang laye bangud gina set sini ang mangin term of office sang mga barangay officials – kag ini maga lawig sa apat ka tuig ang isa ka term sa maximum nga 3 terms. Isa naman ka term para sa Sangguniang Kabataan. Malip-ot naman lang ang extension bangud sa Nobyembre 2026 na ang mangin eleksyon.
Pwede nga ini ang paga pirmahan sang presidente, ukon pwede nga mag lapse ang 30 diyas kag mangin laye na, ukon i-veto sang presidente.
Sa Oktubre naka schedule ang elections sa Bangsamoro Autonomous Region in Muslim Mindanao. Kun indi ma aprobahan ang laye suno kay Zubiri naga kasayuran nga matabo ang barangay elections sa December sini nga tuig nga kun lantawon mabudlay na para sa COMELEC suno kay Zubiri.