Shadow

Seguridad ginpabaskog sa gwa sang unibersidad para sa 2020-2021 bar exams

Tanyag News and Features photo

Temporaryo nga sirado ang bahin sang La Salle Avenue karon nga ginapatuman ang 2020-2021 bar examinations sa University of St La Salle.

Nahauna ini nga tion nga ginhiwat nga online ang bar exams kag subong man sa gwa sa sang Metro Manila, karon nga may pandemic.

Tigaylo sang sadto anay apat ka Domingo karon duha lang ka adlaw ang pagpatuman sini. Sa Domingo ang ulihi nga adlaw sang bar exams.

Kadam-an sa mga courts sa Bacolod Hall of Justice ang sirado sinin ga adlaw kay may mga judges kag court personnel nga boluntaryo nga nagserbe bilang proctors sa exams karon nga Biyernes kag sa Domingo.

Sa gwa sang university campus nagabantay man ang katapo sang Bacolod City Police Office upod sa Bureau of Fire Protection kabahin sang pagpasiguro sang kalinong samtang naga-kuha sang exams ang mga bar examinees.

Ginadumilian ang pagbusina sang mga salakyan sa gwa sang unibersidad.

Madamo man sa mga netizens, mga abyan, himata pati schoolmates kag mga manunudlo ang nagpalab-ot sang ila pagsuporta para sa kadalag-an sang mga bar examinees.

Secured By miniOrangeSecured By miniOrange