Security plans para sa Barangay kag SK Elections ang talakayon sang Provincial Joint Security Control Center bwas nga adlaw.
Ini suno kay Provincial Elections Supervisor, Ian Lee Ananoria, nga nagsiling nga nalakip diri ang pag talakay man sang deployment labi na sa mga barangay nga nalakip sa Election Watchlist Areas kag yara sa red category.
Sa karon may 51 nga Election Watchlist Areas sa Negros Occidental kag may patigayunon nga assessment sa PJSCC bwas.
Mahimo nga may upgrading nga matabo kun sa diin gikan sa green category ukon no security concern ang isa ka barangay mapasaka ang category sini.
Pwede man nga may downgrading suno kay Ananoria kun sa diin ang isa ka barangay nga damlag pa na classify nga election watchlist area ang pwede na makakas sa amo nga listahan ukon ayhan mapanubo ang category sini.
Damlag pa ang Barangay Tabugon sa Kabankalan City ang ginsiling mahimo ilakip sa iga assess kasunod sang encounter nga natabo kun sa diin anum ang napatay.