Tinguhaan nga mapangitaan sang alternative nga source sang pondo para masabat man ang kinahanglanon sang La Castellana angut sa sitwasyon nila dala sang paglupok sang bulkan Kanlaon.
Sa pagsinapol kahapon, Hwebes nga adlaw sa pre-disaster risk assessment nga gin pamunuan sang Department of National Defense paagi sa Zoom gintalakay ang sitwasyon sa La Castellana suno kay Office of the Civil Defense NIR Head, Donato Sermeno, III.
Indi man okay para sa OCD ang pagpabalik sang mga pumuluyo nga naga puyo sakop sang 6 km danger zone pero ila man nga gina respeto ang desisyon sang LGU.
Wala na sang pondo pa ang banwa para mag bulig sustain sang mga 1,800 nga nag pinauli nga pumuluyo.
Pero ginsiling man ni Sermeno nga may ginhanda ang LGU nga contingency plan enkaso maglupok ang bulkan.
Suno sa iya, may mga datus nga gin pangayo si Sec Gilberto Teodoro para makita kun ano nga assistance ang sarang ma extend sa La Castellana.
Tinguhaan ni Teodoro nga mapangitaan sang alternative source.
Dal-on na man lang ang iban nga LGU may funding request pero ang priority ang La Castellana.
Damlag pa ginsiling nga may approved budget na gikan sa Deparment of Budget and Management pero ini sa karon ang wala gihapon maka abot.
“Suno sa na istoryahan namon kahapon, i-try ni Sec Teodoro nga pangitaan pa gid sang other alternative source kay amo na pinaka urgent nga nakita niya ang La Castellana nga sitwasyon. i-try niya. Kay manug lakat man siya kahapon gindali-dali gani pa submit sang mga data ang LGUs gindala na lang ang iban nga may funding request, although gina tagaan ya gid tutok ang La Castellana”, suno kay Sermeno.
Samtang, gina paabot ang pagbalik sang community kitchen sang probinsya sumugod July 21.
Suno kay Governor Eugenion Lacson, magalawig sang 30 diyas ang 6th wave sang community kitchen sang probinsya nga magaserbe sang siyam ka mga evacuation center.
Isa sa La Carlota, isa sa Bago kag pito sa La Castellana.
2.8 million pesos ang pondo para diri kag ini na ang katapusan sa 50 million pesos nga damlag pa gin hatag sang Malacanang. Ang mga naga tenir sa evacuation center nga mga 2,000 ka pumuluyo sa kabilugan ang maga avail sini.
