Patay ang 26 anyos nga scout ranger nga si Private First Class Edmark Iwayan sa inaway kaina sang kaagahon sa isa ka restobar sa Purok Hollow Blocks sa Barangay Singcang-Airport sa Bacolod.
Suno kay Police Major Joery Puerto, hepe sang Police Staiton 8, naga inom lang si Iwayan upod sang isa niya pa ka upod nga army nga si Private First Class Joebert Villagracia kag tag iya sang bar nga si Joebert Visem nga isa man ka anay katapo sang army. Nag abot ang grupo sang suspek nga si Ulysssis Carampatana, isa ka accountant, kag nag pamilit nga mag inom apang manarado na kun tani si Visem. Kapin pulo sila kabilog suno sa pulis.
“Te indi na amg pa inom ni ang tag-iya, maano pa sila, tapos amo na nag lalisay, nag verbal confrontaion,asta nag initay ni,” Maj Joery Puerto, commander, Police Station 8.
Sang nag binaisay, didto na nag gabot sang armas sang suspek kag nag palupok. Didto na natabo ang pag tiniruhay.Naka pukutay pa sila suno sa pulis pero napatay sa pagpaniro si Iwayan.
Pilason kag ginabulong karon sa ospital si Visem pati na ang suspek kag isa sini ka upod nga si Joseph Magahum bangud sang igu sang bala. Ang isa pa ka army nga si Villagracia ang pilason man matapos ginpulihan sang mga upod sang suspek. Padayon ang imbestigasyon karon sang kapulisan.