Gin-suspend Hwebes nga adlaw ang klase sa tanan nga levels, pribado man ukon pampubliko nga eskwelahan sa mga banwa sang Hinigaran kag Isabela sa Negros Occidental bangud sa pagpamahog online.
Sa ginpatigayon nga online assessment and investigation, natukiban nga isa lang ka persona ukon account ang may kahimuan sa nasambit nga pagpamahog.
Nagpatigayon sang security check, mobile kag foot patrols sa vicinity sang mga eskwelahan ang mga police personnel sang Hinigaran kag Isabela humalin kagab-i.
Nagahimo na karon sang tikang ang PNP agud ma-trace kag makilal-an ang tag-iya sang social media account agud mapasabat ini.
Hwebes sang aga, ginpadala sang Isabela kag Hinigaran PNP ang report sa Regional Anti-Cybercrime Unit.
“Yung online threat sa Hinigaran and Isabela isa lang, same lang nga account.. Na-submit na namon ang report sa Cybercrime Unit sa NOCPPO this morning. Wala pa update ang RACU. Ginkadtuan namon ang tanan nga schools diri, kagab-i pa, tapos ang LGU kaya nga nag-suspend nang classes this day kay gusto natin i-ensure man nga safe ang ating mga teachers and estudyante.. Standby lang kami kay naga-assessment pa kami”, suno kay Lumandaz.
[sibwp_form id=1]