Save the Sugar Industry Movement ang nagapakamalaot sa gin-aprobahan nga importation sang kalamay.
Gina panawagan man sang grupo kay Presidente Ferdinand Marcos, Jr., ang pag appoint sang Agriculture Secretary nga amo ang maga tutok sa mga isyu nga gina atubang sang sugar industry.
Kuntani pamatian man sang presidente ang ila nga panawagan.
Suno kay Wennie Sancho, convenor sang Save SIM, ang importation inhustisya sa mga small producers kag workers sa sugar industry.
Nabutang karon sa peligro suno sa iya ang industriya sang kalamay kag kun wala sang may mangisog nga mag pamatuk sa amo nga tikang maga collapse suno sa iya ang industriya.
Sang Lunes, gin lagdaan ang sugar Order No. 6 nga naga tugot sang importation sang 440,000 metric tons sang kalamay.
Ini ang ginpadala na kay Presidente Marcos, para review antes pa man ang pag release sini.
May bahin sa 440,000 MT nga gilayon nga maga abot suno sa kay SRA Board Member Paul Azcona kag may yara naman sang maga abot tranche by tranche.
Tinutuyo sini amo nga mapapanaog ang retail price sang kalamay nga indi tuman ma apektuhan ang mga mangunguma.
Suno kay Sancho isa ka daku nga rally ang ila nga plano.
Ang ginkahangaw-an amo ang pagpatuman sa ulihi sang sugar import liberalization nga amo ang maga patay sa industriya.