Padayon ang clearing sa tatlo ka mga areas sa San Carlos City nga gina lantaw mahimo mangin site sang salayluhan sang mga evacuees gikan sa Canlaon City.
Suno kay Mayor Renato Gustilo, may area sa Brgy Codcod nga gina lantaw mahimo mangin temporary shelter, may isa pa gid ka site man sa Brgy Prosperidad kag may isa pa gid sa Brgy Rizal. Suno kay Mayor Gustilo ini nga mga lugar ang ginalantaw nila para sa mga evacuees sang Canlaon City.
Kun matigayon man gid isa sa mga handaan ang mga banyo kag ang water system suno kay Gustilo.
Damlag pa ginsiling sang Office of the Civil Defense nga sila ang maga padala sang 300 ka mga tent sa San Carlos City.
Wala pa man naplastar sa karon ini lakip na ang mangin pagkaon sang mga evacuees.
Samtang, isa man sa gina lantaw ni Gustilo amo nga ang mga taga San Carlos nga may mga himata nga taga Canlaon, nga sarang man mag accommodate sang ila nga himata enkaso nga matabo ang pagsaka sa Alert Level 4 sang bulkan.