Pamuno sang Commission on Elections Negros Island Region ang naga pawanawagan sa banwa sang La Castellana nga humanon na ang ila nga contingency plan angut sa 2025 nga piniliay enkaso nga magsaka sa Alert Level 4 ang bulkan Kanlaon.
Ang banwa na lamang sang La Castellana ang wala makahuman sang contingency plan nga naga unod sang pag identify sang mangin voting center nga salayluhan enkaso nga magsaka sa Alert Level 4 ang bulkan. Paathag ni Atty Lionel Marco Castillano, indi lamang sa Election Officer nga level, ukon sa Provincial Supervisor, bisan pa sa Regional Director nga level sang COMELEC ang pag-approve sang pagsaylo sang voting center. Ang Comelec en banc ang naga approve sini rason nga luyag nila nga sa mas temprano mapa aprobahan, labi na nga may mga konsiderasyon man sa budget nga tutukan. Sa PJSCC meeting kaina, suno kay Castillano, ginsiling sang Election Officer sang La Castellana, nga luyag sang banwa nga iga-evacuate ang mga apektado sa duha lamang ka mga barangay sa La Castellana man, bagay nga suno sa Office of the Civil Defense indi masarangan sang duha ka mga barangay ang kadamuon sang mga iga evacuate.
“As soon as possible, kailangan po namin yun. First pag mag transfer kami ng voting center okay yung mga area na may magamit kami na classrooms. Walang gastos yun. But there are areas na magkakaroon ng makeshift polling place. Maaring mag rent tayo ng tent, mag tayo ng structure na doon mag paboto. Kailangan mo diyan kuryente, tables and chairs, tapos yung kahit tent lang gagastos. Kailangan pa budgetan sa Commission on Elections”, suno kay Castillano.
Sa damlag presentation sang OCD sa alert level 4 may dugang nga 30,258 ka persona nga iga evacuate sa La Castellana sa Alert level 4. Ang tent city sa Himamaylan ang ginhanda sang OCD para sa mangin evacuees sang La Castellana, pero suno kay Castillano sa karon indi luyag ni Mayor Rhummyla Nicor-Mangilimutan nga didto ang mangin salayluhan.
Ginpahayag naman ni Mayor Nicor-Mangilimutan sa Digicast Negros nga tigayon na sila maka submit sang contingency plan para sa nagkalain-lain nga alert level sang bulkan Kanlaon. Ugaling sa Alert Level 4, may luyag sila nga iga-revise. Sa original nga plano, sa Panaad sila maga evacuate, ugaling kay indi man sila maka igo rason nga nadala sa plano ang Himamaylan. Sa revised man nga plano luyag nila malakip sa evacuation sites ang Barangay Manghanoy, Nato, Talaptap kag Lalagsan bangud ang ini nga mga barangay indi na sakop sang danger zone sa alert level 4. Ini ang subject pa sa approval sang OCD. Dugang pa niya nga luyag kuntani niya sang long term nga solusyon bangud ang Kanlaon maga pabilin kag indi man madula.
Mga 80 porsiento na ang COMELEC sa ila nga pag panghanda sa piniliay. Lakip sa ila nga iga plastar pa ang security kaangay sa concern sang Moises Padilla nga kun sa Alert Level 4 kun sa diin sila ang maga saylo sa Guihulngan City ang Negros Oriental PNP na ang maga secure sa ila.