Karon nga tig-ululan, mahimo nga magasaka pa gid ang kaso sang dengue. Pero, suno sa Provincial Health Office, may downtrend nga namutikan sa mga lugar nga may matag-as nga kaso sang dengue.
Nagsapol si Governor Eugenio Jose Lacson sa mga health officer sang mga banwa kag siudad kaina sang aga.
Suno kay Lacson, tigayon man gid nga nakapatuman ang tagsa ka LGU sang tikang para mahandaan ang kaso sang dengue.
Maga pakig angut man siya sa mga alkalde para mapasiguro nga may mapain nga pondo kontra dengue.
Ipasiguro man ang pagpatukod sang Dengue Task Force. Sa July 9 nga report sang DOH, ang Negros Occidental ang may pinaka mataas nga new cases nga na record. Humalin Enero tubtob July 9, 2,096 ang na record nga dengue cases sa Negros Occidental.
Tutukan karon ang clean-up drive amo man ang pag patuman sang tikang ukon intervention sa mga lgu nga may matag-as nga kaso sang dengue.
Ang Himamaylan, Kabankalan, La Carlota, Hinigaran kag San Carlos ang pila sa mga may matag-as nga kaso sang dengue.