Nagdangat sa masobra 2.7 million pesos ang sales sa nagtakop nga 16th Negros Island Organic Farmers Festival.
2,752,506.83 pesos ang sales gikan sa mga organic booth kasubong man ang Terra Madre Sales ukon sa slow food.
Ini ang pinaka una nga tion nga yara ang Terra Madre.
Ang sales gikan sa mga organic booth sang 15th Negros Island Organic Farmers Festival sang 2022 ang nagdangat sa 920,520 pesos.
Bisan pa na nag-ulan, suno kay Governor Eugenio Jose Lacson, nangin maayo ang kita sang mga mangunguma.
Isa sa mga gina lantaw karon sang gobernador amo ang posibilidad nga ang Negros Oriental naman ang maga host sang organic festival sa madason nga tuig.
Ang booth sang Negros Oriental ang nag-daog naman bilang best booth sa processed category.