35 anyos nga lalaki nga nagpugong sa mga kawatan, nakastiguhan sa Barangay Villamonte sa Bacolod.
Kita sa cctv video ang duha ka mga lalaki nga nagkakas sang temporary rim sang naga park nga auto sa dalan Malaspina sa Barangay Villamonte sang Sabado sang gab- i.
Nagtinaghol ang mga ido gani nakabatyag kag nag-ginuha ang tagbalay.
Natabuan nakit-an sang 35 anyos nga trabahador sang vulcanizing shop ang natabo.
Gani iya ginlagas ang duha ka mga suspek bitbit ang baseball bat.
Wala siya magdumdom nga may apat pa ka mga kaupdanan ang mga suspek.
Gani naagaw sa iya ang baseball bat kag sunod siya nga ginkastigo.
Indi na luyag sang 35 anyos nga magpa-interview.
Pero nag-gwa nga sang nagligad lang nga tuig, gin-carnap man sadto ang motorsiklo sang iya nga amo.
Tigayon ini nga na-recover sang kapulisan sa bulig sang cctv sang iya kaingod nga iya naman ginbuligan.
Ginsiling ni Police Captain Francis Depasucat, commander sang Police Station 4 saludo siya sa ginhimo sang 35 anyos.
Pero nagapangabay siya sa publiko nga magtawag gilayon sa malapit nga police station agud indi mabutang sa risgo ang ila kabuhi.