Nakabaton sang report ang Police Station 3 nga may nasapwan nga patay sa Purok Active, Barangay Mandalagan sa Bacolod City, Huwebes sang kaagahon.
Naabtan sang nagresponde nga kapulisan ang biktima nga duguon ang ulo kag nagahigda sa kilid sang tricycle nga naka-park sa lugar.
Ginkilala ang biktima kay alyas “Jayven”, 22-anyos, taga Purok Bakawan sa Barangay Villamonte, Bacolod.
Nakaangkon ang biktima sang igo sang bala sa likod sang ulo sini apang wala ang Scene of the Crime Operatives sang may na-recover nga empty shell, bala ukon pusil sa lugar.
Sa follow-up investigation, nahibaluan nga ang ginpatay amo ang saksi sa pagpatay sadto sa mag-utod nga Espina sa Purok Active sang Setyembre 29, 2025.
Padayon karon ang PNP sa pag-backtrack kag pagpangita sang CCTV footages para makilala ang mga sa likod sang krimen.
[sibwp_form id=1]