Sa Oktubre 31 kag Nobyembre 2, wala sang opisina ang talatapan sang Commission on Elections bangud sang All Souls’ Day kag All Saints’ Day.
Gina abisuhan ang mga nagaplano nga magpadulong sa talatapan sang COMELEC nga ipaiway anay ang pagpadulong sa talatapan bangud nga sirado. Sa Martes na liwat nga maga bukas ang COMELEC.
Suno kay City Elections Officer Atty. Kathrina Trinio-Cana padayon ang voter’s registration pero apektado man ini sang pandemic.
Sadto naga average sa isa ka gatos ang naga padulong sa COMELEC para sa registration pero karon yara na lamang sa mga kwarenta ang nagapadulong sa talatapan.
Samtang, nakabaton naman sang memorandum ang COMELEC nga sumugod sa Nobyembre, Lunes tubtob Hwebes na maga bukas ang COMELEC kag kada Biyernes naman magapatigaton sang disinfection.
“Ang Bacolod naga average na sila 100 per day ang registration. Kadako kaayo sang deperensya. Naga matter na sya. Kay te towards the end of the registration period dira naman ta maginutok. Mas mayo mas early maka pa register,” suno kay Trinio-Cana.