Kun close contact ikaw sang isa ka pasyente nga nag positibo sa Covid-19 kag negatibo ang imo RT PCR test naga ka dapat ka sa gihapon magpaidalom sa home quarantine sa sulod sang 14 ka adlaw.
Pero kun ikaw ang mag positibo sa RT PCR test kag wala ka naka pasar sa omnibus guidelines para sa home isolation dal-on ka sa quarantine facility sang gobyerno.
Kun luyag mo pwede ka sa mga accredited nga hotel ukon pension house pero ikaw mabayad. Naga average sa 1700 tubtob 2500 ang adlaw sa hotel kag pension house kag katorse dias ka maga tenir diri.
Ang mga vulnerable ukon may co-morbidities, minors, bed ridden, naga paidalom sa chemo therapy, kag sa maka pasar sa assessment sang barangay health worker ukon sang EOC, pwede ka mag home isolate pero dapat maka pasar man ang imo nga balay sa ila nga evaluation. Dapat may kaugalingon ka nga banyo kag indi maka pang laton sa iban.
Pwede ka man maka avail sang hospital supervised home care ukon HSHC. Mapa admit ka sa ospital, i evaluate sang EOC kag barangay health worker kag usisaon nila kun ang balay mo qualified para sa home care. May nurse nga maga kadto sa imo balay kada adlaw para lantawon ang imo kahimtangan.
May makuha man sang imo nga mga basura sa imo nga puluy-an.
Sa subong ang Riverside Medical Center pa lang ang accredited nga hospital para sa hshc pero may pending man nga application ang Doctors Hospital kag Corazon Locsin Montelibano Memorial Regional Hospital.
Ang mga mild kag asymptomatic cases lang ang pwede mag paidalom sa HSHC.
Liwat nga gina sulit sang EOC nga kun may gina batyag nga simtomas sang Covid-19 pwede maka pa consulta sang libre sa BRO center sa bays center kag pwede man didto maka pa swab test para gilayon mabal-an kun bala positibo ka sa Covid-19 ukon indi.