Sa pagsinapol sang opisyales sang Department of Health kag Department of Public Works and Highways upod kay Congressman Greg Gasataya naistoryahan ang scope of work pati na ang pagbakal sang mga medical equipment sa pagtukod sang Bacolod City General Hospital sa Barangay Vista Alegre.
Suno kay Gasataya, mahimu nga sa Hulyo pagasuguran na ang site development sa donated property sang pamilya Gensoli.
Pero indi na igalakip sa plano ang pagtukod man sang City Health Office sa sulod sang Teofilo m. Gensoli Memorial Medical Center.
Suno kay Gasataya nga basi sa technical observation sang DOH indi nagakaangay nga itupad ang City Health Office sa ospital.
Sa madasun nga bulan liwat nga magasapol si Gasataya sa DPWH, DOH kag sa donor sang 4 hectare property agud ma plastar ang plano kag mga nagakaigo nga guidelines.
Sa pihak sini ginpasalig man sang kongresista nga ini maapektuhan ang pagtukod sang ospital.
May apat ka bidder ang nagapaidalom sa evaluation sang dpwh para sa construction sang P250 million hospital project.