Banwa sang Hinobaan ang indi anay magbaton sang mga turista sa karon.
Sa ginpagwa nga executive order ni Mayor Ernesto Estrao sang Hinobaan sang kahapon, ila nga gina dumilian anay ang mga turista kag bisita gikan sa gwa sang hinobaan nga magsulod sa ila nga banwa. Ini matapos nga may isa ka guest sa isa ka resort nga nag positibo sa COVID-19 kag ang iya tatlo ka mga close contact nga mga staff sang resort ang nag positibo man sa virus.
Gina pangabay man anay ang mga residente nga likawan ang pagpadulong sa mga ginakabig high risk areas kun indi man lang importante ang tuyo.
Samtang sa Victorias City naman, tanan nga mga bisita nga gikan sa gwa sang rehiyon sais nga luyag magsulod sa siudad ang gina require sang negative result sang RT PCR test.
Mga government APOR lang nga may official business sa siudad ang tugutan nga maka sulod nga wala sang negative test result.