Shadow

S-Pass mandatory sa mga LSI, APOR kag returning residents

Mandatory na karon ang pagpa register sa S-Pass.ph sang tanan nga locally stranded individuals, returning residents kag authorized persons outside residents nga luyag magkadto sa Bacolod City.

Ang S-Pass registration ang nasaad sa resolusyon sang national Inter-Agency Task Force Against Emerging Infectious Diseases sa pagpatuman sang uniform travel policy.

Sa ti-on nga maka register na sa S-Pass ang isa ka persona diri niya i-upload ang tanan nga mga travel requirements nga ginapangayo sang local government unit.

Para sa mga lsi kag returning residents, ang mga requirements amo ang negative RT-PCR test result nga ginkuha within 72 hours sang travel date, BaCTrac online registration kag online health declaration form.

Para naman sa mga APOR, kinahanglan ang certificate of employment ukon business permit kag travel ukon work order kun sa diin nakabutang ang purpose of travel, kalawigon sang pagtenir sa Bacolod kag kumpleto nga travel details.

Kinahanglan man sang ila company ukon government ID, BaCTrac registration kag online health declaration form.

Suno sa kay Bacolod SK Federation president nga si Councilor Ayesha Joy Villaflor, bisan indi mandatory ang mga APOR gikan sa national government agencies, ila gina haylo nga magkuha na lamang sila sang negative RT-PCR test result para makasiguro nga hilway sila sa virus sa ila pagsulod sa siudad.

Leave a Reply

Your email address will not be published. Required fields are marked *

Secured By miniOrangeSecured By miniOrange