Green routes kun diin i-byahe ang mga electric jeepney sa Bacolod ang ginapaabot mapatuman antes matapos ang tuig.
Tuyo ni Councilor Al Victor Espino, pamuno sang Committee on Transportation and Traffic nga ma-consolidate ang resulta sang dry run sang mga e-jeep sa Barangay Vista Alegre kag Cabug.
Ini agud mapat-ud kun bala nagakaangay nga ma-revise ang natukod nga Local Public Transport Route Plan ukon LTPRP sang siudad.
Plano sang Bacolod LGU nga madugangan ang 24 ka mga rota sa idalom sang LPTRP paagi sa pagtalana sang green routes.
Ginsiling ni Land Transportation Franchising and Regulatory Board Regional Office OIC Atty. Salvador Altura, malawig ang proseso sang revision antes pa tigayon nga matagaan sang prangkisa ang mga e-jeep.
Gani nagpasalig si Espino nga matinguhaan nga ma-comply ang tanan nga requirements agud masuguran ang green route sa sini nga tuig.