Nag-resign na bilang House Speaker si Martin Romuldez sini lamang nga hapon.
Samtang, mga 6,000 ang gina paabot maga tipon sa Domingo, para sa indignation rally kontra sa isyu sang korapsyon nga gina atubang sang pungsod sa karon.
Sa iya nga pagpanaog sa pwesto ginsiling ni Romualdez nga ang iya pag hatag sang iya nga resignation naupdan sang clear conscience.
Tuyo niya nga mahatagan sang ligwa ang independent commission nga makapatuman sang mandato sini.
Sanday Bacolod Congressman Alfredo Abelardo Benitez, 2nd District Congressman Alfredo Maranon, III, 3rd District Congressman Javier Miguel Benitez, 4th District Congressman Jeffrey Ferrer, 5th District Congressman Emilio “Dino” Yulo kag 6th District Congresswoman Mercedes Alvarez ang nagboto kay Isabela 6th District Congressman Faustino “Bojie” Dy bilang House Speaker.
Si Dy ang naga isahanon nga nominee.
Sa press conference nga ginpatigayon sang ONE-C, ukon ang One Negros Ecumenical Council nga gina tapuan sa nagkalain-lain nga mga sektor nga naga lakip sang simbahan, civil society organizations kag mga progressive groups maga tipon sa south capitol road ang grupo sa September 21.
Maga sugod la una sang hapon ang martsa padulong sa NGC Replica sa Bacolod Public Plaza.
Ang indignation rally nga nationally coordinated ang maga sugod las 2 sang hapon.
Sa tunga sang gina atubang nga kontrobersiya angut sa flood control projects lakip na ang budget insertion, kun sa diin trilyones ang nadula bangud sang korapsyon ang paglunsar sang “A Trillion March: Mahiya kayo! Ikulong na!” ang sabat sang grupo.
Suno kay Fr Arman Onion ang provincial coordinator sang ONE-C indi pro-Marcos ukon pro-Duterte ang grupo.
Ang grupo pro sa pag akusar kag pag pa preso sa mga responsable lakip na pag bawi sang kwarta sang tawo.
Suno kay Noly Rosales, ang Secretary General sang Bayan Negros tigayon na kakuha ang grupo sang permit sa amo nga rally.
Padayon pa ang ila kampanya para sa luyag mag-upod sa away kontra korapsyon.
Ang pag tal-os naman ni Dy kay Romualdez ang wala sang kinalain para sa Bayan Negros kay si Dy ang kaalyado man.