Roadmap para sa ginahandum nga supercity iga-presentar sa natalana nga summit sa Biyernes.
Magluwas sa water management and security plan nga i-present sang Baciwa-Primewater, ginapaabot man ang pagpatpat sang plano sang Negros Electric and Power Corporation sa natalana nga Bacolod City Masterplan and Stakeholders Development Agenda.
Natalana ini nga patigayunon sa L-Fisher Hotel.
Ginpahayag ni Mayor Albee Benitez nga imbitado ang mga utility firms bangud kabahin sila sang ginadihon nga roadmap para sa ginahandum nga supercity.
Mangin kabahin sang pagtililipon ang katapo sang business sector kag tiglawas sang nagkalain-lain nga institusyon.
Iga-present man sa amo nga business summit ang mga ginapatuman kag ginaplano nga mga infrastructure projects nga kinahanglanon sa pagpasanyog pa sang siudad.