Nakahanda na ang STI-WNU upod sa Bacolod LGU para sa natalana nga Festival of Lights sa Disyembre 7.
Kabahin sa mga naaprobahan sa pagsinapol upod sa Committee on Tourism ang pagpatuman sang partial road closure halin Burgos Street padulong sa Circumferential Road kag Bacolod City Government Center kun diin hiwaton ang tuigan nga arena dance competition.
Ginsiling ni Bacolod Traffic and Transport Management Department Deputy Jose Antonio Robello nga gina-finalize pa ang oras sang ipatuman nga road closure nga sa karon gin-set maga sugod las dos sang hapon asta matapos ang parada pakadto sa BCGC.
Kadungan sang Festival of Lights ang Christmas Lights on ceremony sa BCGC.
May P1M ang ginpain nga pondo sang Bacolod LGU para sa isa sa mga balantayan nga atraksyon sa siudad kada Disyembre.