Gina paabot sang mga frontliners nga na assign sa mga district hospitals sa probinsya ang pag release sang ila nga health emergency allowance ukon HEA.
Ginsiling ni Randy Peacita ang presidente sang Progressive Alliance of Capitol Employees nga tubtob sa karon wala ma download sang Department of Health ang pondo para sa HEA.
Ang mga frontliners sang bilog nga siyam ka mga ka district hospitals sang probinsya ang wala sa gihapon makabaton sang ila nga HEA.
August to December 2021 kag January to July 2023 ang unclaimed HEA suno sa iya.
Suno kay PEACITA ang mga nakabaton pa lamang ang yadtong mga LGU run hospitals kag Provincial Health Office.
Depende sa assignment sang isa ka health worker ang kantidad nga iya mabaton para sa HEA.
Ehemplo suno kay Peacita, ang yadtong na assign sa isa ka COVID center kaangay sang Cadiz District Hospital ang sarang makabaton sang 9,000 per month nga HEA.
“Ang ano na lang gid tani, ang HEA. Amo na siya subong ang daw ginapaabot sang tanan kay wala gyapon ma download sang DOH ang budget. Damo pa ni (ang wala makabaton). Tanan nga hospital daan, example diri sa TLJPH sa Silay, more or less mga 600 na di ka staff”, suno kay Peacita.