Riverside Medical Center Incorporated sa Bacolod City ang nagapatigayon sang libre konsulta para sa publiko.
Ini ang ginhimo sang ospital bilang pagpasalamat sa nabaton sini nga libre nga COVID-19 vaccines para sa ila nga mga health care workers.
Nagpatigayon sila sang tatlo ka adlaw nga libre konsulta sa ila nga out patient department para sa pinaka una nga 50 ka mga pasyente kada adlaw humalin sang Miyerkules tubtub subong nga adlaw.
Ang madason naman nga libre konsulta ang pagapatigayunon sa Lunes, Marso 29 tubtub sa Miyerkules, Marso 31.
Ang RMC ang isa sa mga ospital sa Bacolod kag bug-os nga negros occidental nga una nakabaton sang Sinovac vaccines gikan sa Department of Health sang nagligad nga Marso otso.