Shadow

Isa ka duktor sa TLJPH nag positibo sa COVID-19

Richard Malihan photo

Isa ka pediatrician sa Teresita Lopez Jalandoni provincial Hospital sa Silay City ang nagpositibo sa COVID-19.

Ini suno kay Provincial Administrator Rayfrando Diaz nga nagsiling man nga bangud sang insidente ginlockdown ang Pediatric Ward kag Neonatal Intensive Care Unit sang ospital para sa disinfection.

Sa karon nga emergency cases lang anay ang mga accommodate ukon sarang mabaton sang Pediatric Department.

Sa Lunes suno kay Diaz natalana nga i-swab ang mga katapo sang Pediatric Department.

Ang natungdan nga duktor ang na bakunahan sang first dose sang AstraZeneca suno kay Diaz isa ka semana ang nagligad.

“Pedia doctor. May symptoms siya ya. Naga ubo. Amo na na-expose to ang mga tawo. We are doing risk assessment and then aside from that naga lockdown anay for disinfection. We will know. By monday sila i-swab tanan. Kung okay wala nag spread ang infection sa ila nga department and kung okay we can re-open. Sa subong emergency cases lang gid ang aton mabatun,” suno kay Diaz.

Leave a Reply

Your email address will not be published. Required fields are marked *

Secured By miniOrangeSecured By miniOrange