Mga 3,000 ka Negrense ang opisyal nga nag lunsar sang “Risa Na” movement sang Domingo, Hunyo 28 sa Bacolod.
Ini ang naga serbe nga kick-off campaign para kay Senator Risa Hontiveros for president sa 2028.
Ang multi-sectoral nga grupo ang nagtipon sa Gonzaga gym sa Taculing sa siudad sang Bacolod sa pag pakita sang ila nga pag hugpong kag commitment sa presidential bid ni Hontiveros suno sa mga organizer.
Ginatib-ong man sini ang handom sang grassroot sectors para sa responsive, inclusive kag accountable leadership.
Suno sa mga organizer, gina bulubanta nila nga may 2,500 tubtob 3,000 ang nagtipon sa gym.
Anay Magdalo Party-list Representative Gary Alejano ang nagsiling nga ang ila nga grupo ang naga suporta kay Hontiveros bangud kinanahanglan ang isa ka lider nga wala sang may gina bayaan.
Iya man ginsiling nga bukas si Hontiveros sa pag hatag sang ligwa para sa opposition candidate nga may yara sang mas maayo nga chansa para sa pag kag presidente para sa isa ka unified ticket sa 2028.
May kasubong man nga movement nga ginlunsar sa iloilo sang nagligad nga semana. May iga lunsar man sa Cebu sa madason nga semana suno kay Alejano.
Anay Board Member Mardi Mapa-Suplido sang Akbayan Citizen’s Action Party ang isa man sa mga speakers. Iya ginsiling nga ang mga Pilipino indi mag pili sang lider nga gikan sa pamilya nga may kaangtanan sa extrajudicial killings, naga pangawat sa pungsod kag naga binutig.
May mga humalambal pa gid nga nag tiglawas sang nagkalain lain nga sektor.
[sibwp_form id=1]